Ayiti finalman antre nan Komisyon reparasyon Kominote kayarib la (CARICOM). Se yon desizyon ki pran pandan 47yèm reyinyon òdinè konferans chèf leta ak gouvènman peyi manm CARICOM yo.
Selon minis Zafè etranjè peyi a, Dominique Dupuy, inisyativ sa pran aprè yon rankont li te genyen ak rektè Inivèsite leta Ayiti a(ILA), Fritz Deshommes. Li eksplike reyinyon sa te fèt sou kreyasyon yon gwoup travay nan ILA a sou kesyon restitisyon ak reparasyon ki gen pou wè ak esklavaj epi endepandans Ayiti.
Minis lan rapòte li te pote dosye a nan 47yèm reyinyon òdinè konferans chèf leta ak gouvènman CARICOM nan. Kote li menm ak prezidan Konsèy Prezidansyèl la, Edgard Leblanc Fils te patisipe pou peyi a.
Gwoup travay plizyè tèt ILA a ap gen pou l reprezante komite nasyonal ayisyen an, daprè sa Dominique Dupuy fè konnen nan kad dosye sila.
sa se pwopriyete prive ©️ Gwoup Medya MAGHAITI 2024
