La traducción al español de este artículo aún no está disponible. Esta es la versión original.
Atravè yon sikilè Konsèy Nasyonal Telekominikasyon mete piblik jounen jedi 16 mas 2023 a, li mande pou tout moun k ap itilize telefòn mobil oubyen SIM nan peyi a pou yo anrejistre nimewo apati idantite yo an fonksyon rezo telefòn y ap itilize.
Mezi sa pran an fonksyon dispozisyon reglemantè nan nimewo 2OE-CNT-DE20220002 ki sòti nan dat 1e avril 2022, soulinye nan Direksyon Jeneral Ògàn egzekitif CONATEL atravè sikilè a.
Anplis, gen delè yon semèn nou akòde avèk tout operatè yo k ap gen pou soumèt plan egzekisyon kalandriye ane sa, nan objektif pou n ka konn tout moun k ap fonksyone avèk telefonn mobil anndan peyi an, selon règleman legal Konpayi Nasyonal Telekominikasyon an.
N ap raple aktyèl Direktè Jeneral Konpayi Nasyonal Telekominikasyon an, Joses Jean-Baptiste te ranplase ansyen Direktè Jeneral Jean Marie-Guillaume ki te mouri an Janvye 2023 a.
Atik sa se pwopriyete prive ©️ Gwoup Medya MAGHAITI 2023






