Popilasyon nan Kanapevè te leve kanpe landan jounen an aprè enfòmasyon yo te genyen sou Direksyon Depatmantal Lwès Lapolis Nasyonal Dayiti (DDO/PNH) ki t ap eseye transfere enspektè Jean Willnick jounen jodi lendi 8 me 2023.
Nan plizyè imaj sou entènèt nou te ka wè gwo vag mobilzasyon sa te pral lakoz popilasyon an boule anpil kawoutchou, bloke lari, tire anpil kout wòch epi lanse pawòl piman bouk kont kèk responsab anndan enstitisyon lapolis la.
Manifestan yo te tou pwofite sou lòtbò pa yo salye ak felisite jefò enspektè Jean Willnick nan tèt sou komisarya Kanapevè a pou kalite travay l ap ofri ladan li. Yo ta menm fòse responsab DDO/PNH la retounen sou desizyon sila.
N ap raple se te gras avèk enspektè Jean Willnick epi lòt polisye anndan sou komisarya sila, yo te pral anpeche bandi yo anvayi zòn kanapevè nan dat 24 avril 2023, kote operasyon «Bwa kale» te pral tanmen epi derasinen bandi ki t ap eseye okipe lokalite Debisi ak Tijo.
© Tous droits réservés – Groupe Média MAGHAITI 2023
