Lapolis arete direktris Kès Asistans Sosyal (CAS) Edwine Tonton jounen jodi madi 25 avril 2023 a, pou dosye koripsyon ak trafik enfliyans aprè jij Jean Wilner Morin te fin odisyone li.
Selon yon bout videyo k ap sikile sou rezo sosyal yo, nou ka wè Lapolis menote direktris Kès Asistans Sosyal la Edwine Tonton, pou zak koripsyon ak trafik enfliyans aprè Inite Lit Kont Koripsyon «ULCC » te fin akize li nan dènyè rapò enstitisyon an.
Jij Jean Wilner Morin te pral mete entèdiksyon pou direktris Kès Asistans Sosyal Edwine Tonton ak chèf kontab li, Pierre Richard Vales epi manm kabinè li Yvrose Alciné kite peyi an nan dat 3 avril ki sot pase la.
N ap raple selon dènyè ankèt ULCC, nan ane fiskal 2021-2022, Pierre Richard Vales, kontab an chèf la te pral detounen 2 milyon goud pou 2 òganizasyon lokal. Alòske pwòch M. Vales te pral benefisye yon chèk sibvansyon 1,765 000 00 goud nan menm ane sa . Sou lòtbò Yvrose Alciné te pral detounen 500 000 mil goud pou mwa Janvye 2022 a. Sa vle di plizyè milyon detounen sou direksyon Edwine Tonton an.
Atik sa se pwopriyete prive ©️ Gwoup Medya MAGHAITI 2023
