Plizyè sitwayen blese nan Sant Rechèch Livrezon Dokiman Idantite nan komin Taba pandan mitan jounen mèkredi 29 mas 2023 a, aprè lapolis ta tire kèk kout bal. Yo Ajan polis yo ta fè moun antre anndan espas la pou lajan selon sa plizyè medya lokal rapòte.
Ta genyen kèk polisye ki ta pran lajan nan men kèk moun ki te vin fè demann dokiman vwayaj yo ak paspò yo anndan CRLDI an, alòske presyon an t ap ogmante nan anviwonman an. Polisye yo ta pral tire, sak te pral lakoz plizyè moun blese, presizeman yon dam ki blese grav. Toujou selon menm sous medya a.
Plizyè viktim sa yo te pral kouri an ijans al pran swen nan yon Lopital nan komin Taba a, men non Lopital sa pa revele. Aprè zak sa, enstitisyon Sant Rechèch Livrezon Dokiman Idantite (CRLDI) ta pral fèmen pòt li epi kanpe sèvis livrezon an.
N ap raple depi aprè lansman pwogram Parole pou Peyi Etazini an, koze jwenn ak fè paspò vin parèt trè difisil nan plizyè sant ki la pou sa. Se gwo goumen ak peye lajan pou moun ka jwenn li nan peyi an.
Atik sa se pwopriyete prive ©️ Gwoup Medya MAGHAITI 2023
