Peyi Etazini anonse ayè madi 28 mas 2023 a gen yon ogmantasyon pri viza ki fèt sou viza touristik, afè, etidyan, travayè tanporè epi envestisè. Mezi sa pral kòmanse operasyonèl apati 30 me 2023 a, selon sa plizyè medya lokal rapòte.
Peyi Etazini ogmante pri viza touristik ak afè a (B1/B2s ak BCC) epi viza etidyan pase nan pri 160 dola US ak 185 dola US.
Tarif kèk viza tanporè (H, L, O, P, K, R) pral pase soti 190 dola Ameriken pou rive 205 dola Ameriken, tandiske viza komèsan ak envestisè yo pral pase 205 dola Ameriken ak 315 dola Ameriken.
Depatman Deta Ameriken fè konnen lajan pou sila yo ki pa imigran yo ap gen «Pou kalkile apati depans sèvis konsilè yo» toujou selon enfòmasyon medya yo pibliye sou sa.
N ap raple dènyè fwa pri kèk viza Ameriken te ogmante se te nan lane 2004.
«Viza travay ak touris la se vrèman esansyèl pou politik etranje prezidan Joe Biden, ki rekonèt wòl fondamantal vwayaj nan ekonomi an.»
Depatman Deta Ameriken di li angaje li pou li fasilite vwayaj sila yo ki pral Etazini keseswa imigran oubyen sila ki pa imigran.
Atik sa se pwopriyete prive ©️ Gwoup Medya MAGHAITI 2023
