Nan yon korespondans prezidan Asosyasyon Nasyonal Grefye Ayisyen yo ANAGH) te voye bay Minis Jistis ak Sekirite Piblik (MJSP) la Emmelie Prophète ayè lendi an, li anonse grefye nan 18 jiridiriksyon ap antre an grèv jounen Madi 7 mas 2023 a, pou mande aplikasyon konplè Akò 3 novanm 2017 la.
Inisyativ sa ap fèt nan objektif pou egzije aplikasyon Akò Ministè Jistis te siyen an ant prezidan ANAGH epi sendika a nan dat 3 novanm ki sot pase a.
« Nou enfòme minis Jistis la desizyon grefye yo pou yo obsève yon ti tan yo pa travay apati jodia», selon Mèt Ainé Martin ki se prezidan an.
Yon Akò ki te prevwa adopsyon estati grefye yo epi mete yon bout ak diskriminasyon epi enjistis pwofesyonèl sa y ap sibi nan kad travay yo, kidonk yo dwe bay chak grefye yon kat debi, nonmen chèf grefye nan Tribinal lapè ak ogmantasyon gradyèl nan salè yo, elatriye.
N ap raple grèv sa antre nan lajistis Ayisyen ap fè tole akoz plizyè Konsèy Siperyè Pouvwa Jidisyè (CSPJ) pa sètifye yon dividal majistra akoz yo t ap vyole lalwa ki te penmèt yo kreye majistrati an.
Atik sa se pwopriyete prive ©️ Gwoup Medya MAGHAITI 2023
