Nouvo direktè jeneral Direksyon Depatmantal Latibonit(DDA) lan, Roger Goodson Jeune anonse sou panèl Magik9, ayè dimanch 12 fevriye 2023 a, gen nouvo ekipman ki rive nan depatman an pou polisye yo.
Pou satisfè revandikasyon polisye yo epi rive tabli bon jan sekirite nan depatman latibonit lan, nouvo direktè jeneral la, Goodson Jeune fè konnen gen nan ekipman polisye yo t ap mande a ki Kòmanse rive jwenn yo.
«Gen ekipman ki kòmanse rive, se pa tout k ap vini men nou konnen se gradyèlman.» se sa komisè a te deklare nan moman emisyon an kote l te soulinye se materyèl yo menm, li menm ak kèk ajan Inite Depatmantal Mentyen lòd (UDMO) ta pral chèchè nan komin Kabarè san l pa te bay okenn lòt detay sou ki tip ekipman yo ye.
Nan sa ki gen pou wè ak retabli lapè ak sekirite nan depatman an, direktè jeneral la toujou kenbe menm diskou a, pandan l pwomèt bon rezilta ap gen pou tonbe nan yon ti tan.
Pandan tan sa, komisè a anonse nan tèt kole ak sipò wo kòmandman lapolis la ak tout polisye yo sekirite ap rive tabli nan depatman an menm jan sa te toujou ye, paske selon li menm, polisye yo deja prè pou yo rekòmanse travay.
Atik sa se pwopriyete prive ©️ Gwoup Medya MAGHAITI 2023
