Peyi Pòtigal kalifye pou l al jwe 1/8 final nan koupdimonn nan peyi Kata aprè match ki te mete l anfas peyi Irigwe jodi lendi 28 novanm 2022 a, yon match ki fini 2-0 anfavavè peyi Selesawo a.
Yon premye gòl ki ta pral make sou yon chout Bruno Fernandes (1-0,54e), te penmèt seleksyon Pòtigal la vinn ap mennen nan match la. Nan kèk minit aprè, Pòtigal te pral make yon lòt gòl sou penalite, gras avèk Bruno Fernandes (2-0, 90+3) tan adisyonèl la. Kidonk, jwè sa reyalize 2 gòl pou kont li devan seleksyon Irigwe.
Aprè match Brezil fas ak Lasuis, se ta pral konfwontasyon ekip Pòtigal kont Irigwe nan dezyèm jounen nan faz poul, yon rezilta ki ta pral jwe anfavè jwè Fernando Santos, kote li vin genyen 6 pwen nan gwoup H la. Malgre li rete yon dènyè match pou li jwe Peyi Kore disid, pou li ka konnen kiyes k ap premye nan poul sa oubyen fini dezyèm.
Pòtigal vin yon lòt peyi ki kalifye byen avan dènyè jounen nan faz poul la aprè seleksyon Brezil ki te bat Lasuis nan mitan jounen an.
Photo: Yahoo Actualités
Atik sa se pwopriyete prive ©️ Gwoup Medya MAGHAITI 2022
