Jounen jodi samdi 12 movanm 2022 a, plizyè prezime bandi atake epi mete dife nan yon blende nan zòn kanaran, presizeman nan wout Nasyonal nimewo 1 (komin kwadèboukè), selon yon videyo k ap tounen sou rezo sosyal yo.
Yon blende ki te gen ladan li kèk Polis Nasyonal Dayiti te rive chape poul li kont atak prezime bandi nan kanaran, pandan yon lòt pat rive chape poul li.
Se chak jou pi plis nèg ak zam ap kreye laperèz ak latwoublay anndan peyi a, kote bandi vle gen kontwòl prèske tout teritwa nan peyi a. Pandanstan, a leta santral kontinye ap rete tann soutyen yon fòs etranje aprè demann yo te fin fè nan Loni.
Okenn polisye pa rive blese nan atak britsoukou prezime bandi yo te fè sou blende an, malgre lapolis te oblije kouri kite li. Ayiti tounen yon espas gang ap taye banda yo, kote yon lòtbò gwo batay ant bandi Gran ravin ak lapolis ap fèt nan kafoufèy pou pran kontwòl komisarya Savann pistach la.
Atik sa se pwopriyete prive ©️ Gwoup Medya MAGHAITI 2022
