Nan kad yon seremoni ki te òganize nan Otèl Marriot nan dat 30 jen 2022 a, Akademi Kreyòl Ayisyen an te enstale 10 nouvo manm, pami yo gen 3 k ap viv lòtbò blo.
Youn nan nouvo manm yo ki gen pou non Yvon Lamour, te prete moso Lapawòl pou li te eksprime nan vwa tout lòt yo epi bay rezon ki fè li la ak kèk detay sou plizyè travay k ap rete tann li menm ak tout kòlèg li yo.
Emmelie Prophète ki se minis kilti ak kominikasyon an te la kòm reprezantan gouvènman an nan kad seremoni enstalasyon an epi li te tou pwofite fè yon rale travay ak listwa Lang kreyòl ki fè l kote l ye jounen jodia , pandan li t ap site kèk non, tankou: Defen minis Edikasyon Nasyonal, Joseph Claude Bernard, ki te vin ak lide Refòm Edikatif Ayisyen an pandan plis pase 40 lane, kote jounen jodia kreyòl la vin pami zouti edikatif Ayisyen an, ki fè pati pwogram ofisyèl depatman Edikasyon pou sistèm Edikatif nou an.
Pandanstan, pami 3 sila ki fè pati AKA, k ap viv lòtbò dlo, sitou nan zonn Washington, ki se : Régine Duroska-Muray, Sandra Duval epi Serge Bellegarde ki te deja manm Akademi an depi nan Fondasyon enstitisyon an.
Lòt nouvo manm yo se : Altagrace Payen Auguste, Norah Amilcar Jean-François, Chantal Hirsh Noël, Marie-Jeanne Léo Louis-Charles, Al Duniel Dimanche, Jean Robert Placide epi Yvon Lamour.
28èm edisyon “Livres en folie” ane sa, montre ak klè kantite liv ki ekri nan Lang kreyòl la chak jou pi plis, anplis misyon Akademi Kreyòl Ayisyen se ranfòse ak bay jarèt ak lang kreyòl la, sitou nan preparasyon ak piblikasyon materyèl ki fèt nan Lang sa.
Atik sa se pwopriyete prive ©️ Gwoup Medya MAGHAITI 2022
