Etidyan finisan nan fakilte lenguistik Aplike ( FLA) ak Fakilte Dwa ak Syans Ekonomik jwenn otorizasyon pou yo voye seve yo (CV) Kòm kandida apati yon nòt Akademi Kreyòl Ayisyen mete deyò 22 Avril 2022, kote li pare pou li rekrite kèk etidyan finisan nan 2 antite diferan sa yo pou yo vin jwe wòl ” Asistan Editoryal”, nan kad elaborasyon yon diksyonè tèminoloji jiridik.
Sila yo k ap gen pou yo pote yo kandida nan kad pwojè sa, y ap gen pou respekte tout kritè sa yo, tankou bay prèv yo se etidyan finisan oubyen ki nan dènyè fòmasyon oubyen ki konplete pwogram etid li nan 2 antite inivèsite leta dayiti a, anplis montre yon pyès jistifikatif kote li ka metrize lojisyèl teknoloji sa yo: Maykwosòf ofis, Wòd, Eksèl, Pòrèpwent epi gen konesans nan lòt disiplin Syanzimenn ak sosyal ankò.
Diplis, kandida yo dwe bay lòt eleman sa yo tou ki se yon lèt motivasyon, lèt rekòmandasyon ki siyen pa yon otorite akademik, fotokopi atestatasyon, diplòm ak sètifika ki jistifye kandida reponn ak egzijans Akademi kreyòl Ayisyen an.
Kandida y ap gen pou yo depoze dosye nan dat mèkredi 27 Avril 2022 a nan lè 3è pita, sitou nan biwo pwovizwa Akademi kreyòl Ayisyen an ki twouve li nan 31 ri babyòl, lokal “Fany Villa”.
© Tous droits réservés – Groupe Média MAGHAITI 2022
