Lapolis la anonse li arete Bénicé Célestin pou enplikasyon prezime l nan asasinay 2 misyonè ameriken ak yon ayisyen.
Endividi 52 lane sa ki jwenn aresterasyon l paske l gen men l tranpe nan touye 3 moun sa yo twouve l nan men ajan fòs lòd yo aprè ankèt ki fèt sou dosye sa.
Se sou paj Fesbouk li Polis Nasyonal Ayiti a ( PNH) enfòme jounen mèkredi a li arete Bénicé Célestin.
Alsyon sa te fèt nan Lizon, yon zòn nan Laplèn nan fen mwa me 2024 la, daprè sa PNH lan raple. Endividi a ki akize kòm moun ki patisipe nan krim sa jwenn arestasyon l vandredi 2 dawout pase a nan nivo 3 men.
Nan kad ankèt sa ki fè ajan yo nan Lapolis la mete anba kòd Bénicé Célestin, resposab yo nan enstitisyon revele yo jwenn sim telefòn ak tout bwat youn nan viktim yo nan men sispèk prezime a.
Endividi a li menm yon lòt kote ki voye jete tout akizasyon ki peze sou do l nan dosye sila, fè konnen se travay sekle li konn fè nan zòn Lèbou, sou wout 9 la.
3 viktim yo se te responsab yon òganizasyon evanjelik ki t ap evolye nan Lizon 49. Asasinay moun sa yo te boulvèse anpil paran nan zòn akoz òganizasyon sila te genyen lekòl ladan l ki t ap bay kominote a sèvis.
Atik sa se pwopriyete prive ©️ Gwoup Medya MAGHAITI 2024
