Depi aprè piblikasyon dekrè pouvwa demisyonè a sou kreyasyon konsèy prezidansyèl Tranzisyon an ayè vandredi 12 avril 2024 la, òganizasyon Nasyonzini pa pran tan pou l reyaji.Li felisite gouvènman an pou desizyon an ki se pibliye li nan jounal ofisyèl «Le Moniteur», se sa a yon kominike Biwo Entènasyonal Nasyonzini (BINUH) fè konnen.
- Li enpòtan pou n konnen, konsèy prezidansyèl Tranzisyon an fèt sou baz medyasyon ant Kominote Karayib (CARICOM) la ak patnè entènasyonal yo nan lide pou penmèt peyi a sòti nan kriz l ap konnen depi aprè 29 fevriye 2024, nan lide pou konble vid enstitisyonèl yo ak lòt ankò.
BINUH kontinye ap swiv byen prè pwosesis politik ayisyèn nan ki mennen ak piblikasyon dekrè ki bay nesans ak kreyasyon konsèy prezidansyèl Tranzisyon an, se sa n ka li sou kont X òganis la.
Sou lòtbò, reprezantan sekretè jeneral Òganizasyon Nasyonzini (ONU), Salvador Misabel te pral soutni desizyon sa a :«Nou afime angajman nou ankò pou akonpanye enstitisyon yo pou jefò k ap fèt yo pou remanbre enstitisyon demokratik yo». Li menm kontinye pou li di yo pwomèt entènasyonal la pral gen pou sipòte Ayiti nan lide pou yo redrese sekirite a ak yon leta k priyorize lalwa nan peyi a.
Pandan tan sa a, n ap konstate yon peyi kote plis pase 100000 moun kouri kite Pòtoprens selon Òganizasyon Migrasyon Entènasyonal la (OIM) akoz ensekirite nan peyi a.
Konsèy prezidansyèl Tranzisyon an montre l konprann sa a, se pou sa li anonse l ap vin pote yon solisyon ak kriz ensekirite a pou li penmèt eleksyon lib, jis epi demokratik fèt nan peyi a.
Atik sa se pwopriyete prive ©️ Gwoup Medya MAGHAITI 2024
