Endividi yo pa rive idantifye mete dife nan lekòl Miks «Frère Nau» byen bonè nan maten 26 mas 2024 la nan zòn Metwopolitèn nan, presizeman touprè legliz Malayèl la, selon divès videyo k ap sikile sou rezo sosyal yo.
Lekòl miks «Frère Nau», ki chita kò l nan kè vil Pòtoprens lan leve avèk dife ladan l, alòske okenn bilan poko ka di ki dega dife sa lakoz anndan enstitisyon akademik la.
Sou lòtbò bandi ak zam antre anndan lekòl Nasyonal Atizay (ENARTS), kote yo piye ak sakaje tout espas la. Epi yo bwote ale divès materyèl ak anpil lòt kraze vide atè, selon sa a nou konstate atravè videyo k ap sikile sou rezo sosyal yo.
N ap raple, bandi ak zam te gentan piye Fakilte Syans (FDS) ak divès famasi bò Lopital Jeneral la epi Lopital «Saint François de Sales» kèk jou anvan sa a.
N ap raple dimanch 24 mas ki sot pase a, bandi ak zam te piye ak mete dife nan plizyè garaj touprè tribinal seksyon Sid la ak monte chanmas la, kote plis pase yon santèn machin boule nan garaj yo epi divès kay ak machandiz boule, patikilyeman matla yo.
© Tous droits réservés – Groupe Média MAGHAITI 2024
