Lachin konfime jounen jodi 25 mas 2024 la li retire 24 sitwayen li te genyen ki t ap viv an Ayiti yo epi voye yo Repiblik Dominikèn akoz sitiyasyon ki la kounya menase lavi moun ak enstitisyon yo nan peyi a. Pou pote yon repons ak kriz sa a nan Karayib la, Ministè afè etranjè nan peyi sa a fè konnen li pral aktive demach pou li pwoteje anbasad li an ak sitwayen li yo ki sou zile a, selon sa jounal Listin Diario rapòte nou.
«Ministè afè etranje an kwòdinasyon ak otorite lokal yo epi lòt depatman ki konsène yo, mande enstitisyon chinwa ki aletranje yo pou siveye pi prè sitiyasyon an epi pran mezi pou pwoteje lavi sitwayen chinwa yo», selon kominike chinwa jounal Listin Diario rapòte.
24 chinwa kite peyi d Ayiti nan dat 22 mas ki sot pase a, yo te rann yo nan peyi vwazen an. Alòske operasyon sa te rive fèt parapò avèk kolaborasyon otorite 2 peyi yo ki sitiye sou yon zile ansanm.
Sou lòtbò, gouvènman kanadyen an anonse jodi lendi 24 mas la l ap retire sitwayen kanadyen li yo pou voye Repiblik Dominikèn akoz sitiyasyon sekirite a k ap deteryore epi sitiyasyon vyolans lan k ap ogmante chak jou an, selon sa minis afè etranje Mélanie Joly fè konnen.
© Tous droits réservés – Groupe Média MAGHAITI 2024
