Plis pase 33000 moun kouri kite zòn Metwopolitèn Pòtoprens nan 15 dènyè jou sa yo pou mete yo alabri parapò avèk zak gwoup gang yo pa sispann fè, selon Òganizasyon Migrasyon Entènasyonal (OIM).
«Dènyè semèn sa yo atak gwoup gang ak zam yo ogmante nan zòn Metwopolitèn Pòtoprens lan», selon kominike òganizasyon entènasyonal sa a.
Anplis, sitiyasyon sa a pwovoke deplasman moun yo atravè Pòtoprens «Atak ak ensekirite jeneralize oblije plis moun kite kapital la pou yo kouri ale refijye yo anpwovens, menm pran risk sou wout gang ap kontwole yo», pou ajoute OIM nan kominike sa a.
Alòske Òganizasyon Migrasyon Entènasyonal (OIM) kolekte done yo atravè wout moun y ap sikile yo, gen anviwon 33333 moun ki kite kapital la ant 8 ak 20 mas 2024 la, prensipalman pou yo ale nan depatman Gran Sid la ki gentan resevwa deja anviwon 116000 ki te deja kouri lakay yo pandan dènyè mwa sa yo.
Pandantan sa a pwovens sa yo pa dispoze ase enfrastrikti ni pa gen ase kominote ni ase mwayen pou resevwa endividi sa yo k ap kouri an kantite pou yo ale refijye nan depatman sa yo, se sa a OIM ajoute.
Ayiti ap konnen depi kèk tan plizyè moman difisil akoz gwoup gang ak zam ki t ap mennen yon batay kont premye minis defakto Ariel Henry epi menm anpeche Ayewopò entènasyonal Tousen Louvèti fèmen pòtay li.
Malgre demisyon chèf primati Ariel Henry, bandi ak zam yo pa chome sa a ki lakoz plizyè pèsonèl travay ak anbasadè oblije kite peyi a.
Pandan konsèy kominote karayib la pwopoze pou etabli yon konsèy prezidansyèl avèk 7 manm , gen plizyè pati politik ki voye non reprezantan nan sousi pou swiv lide CARICOM nan ki se penmèt yon estabilite politik ak yon solisyon pou ensekirite a.
Crédit Photo: France 24
Atik sa se pwopriyete prive ©️ Gwoup Medya MAGHAITI 2024
