Nan mitan jounen mèkredi 20 mas 2024 la, chèf gang Makandal nan komin Petyonvil, presizeman lokalite Britsou, mouri aprè Lapolis ak popilasyon an ta pral mete men sou li. Nou kapab konstate sa a selon kèk videyo ak imaj k ap sikile sou rezo sosyal yo.
Depi plis pase 72è tan popilasyon nan komin Petyonvil pa sispann tande kout bal, anplis de sa a anviwon yon trantèn moun mouri parapò avèk masak ki fèt sou popilasyon sivil la. Gras ak entèvansyon Lapolis epi sipò popilasyon an, chèf gang Britsou an tonbe aprèmidi an nan « Bwa Kale» avèk plizyè lòt parèy li yo.
Pandanstan kèk sitwayen pezib pa sispann kouri kite kay yo ak pran avyon pou pati kite komin lan, malgre prezans Lapolis nan divès lokalite Petyonvil pou penmèt komin sa a ka reprann trankilite li.
Nan moman la a, tout wout frè pou rive nan Bobin ak Britsou, Lapolis fèmen sa s pou l kwape bandi yo.
N ap raple Lapolis te touye nan dat 24 Avril 2023, Carlo Petit-homme alyas ti Makak ki t ap opere Laboul 12, presizeman komin Petyonvil. Fwa sa a se chèf gang Makandal avèk plizyè lòt ki pèdi lavi yo nan komin sa a.
Atik sa se pwopriyete prive ©️ Gwoup Medya MAGHAITI 2024
