Gouvènman Luis Abinader la finalman aksepte ayè vandredi 15 mas 2024 la, pou resevwa moun k ap sòti Ayiti pou antre Sendomeng. Li pran desizyon sa, anvafè moun ki nan misyon diplomatik ak pèsonèl òganizasyon entènasyonal yo nan yon fòm eta ijans ak prevansyon, selon sa jounal Listín Diario.
Selon desizyon sa, Ayewopò ki pral gen pou itilize yo se pral Ayewopò Entènasyonal Prezidan an « Doctor Joaquin Balaguer (El Higüero) epi Ayewopò Entènasyonal María Montez (Barahona), anplis yon elikoptè nan zòn Jímani.
“Se pral yon sèl wout k ap disponib avèk tout enstitisyon ki swete pase ak moun li yo pou kite epi ale Sendomeng, se sèlman wout sa yo y ap gen pou yo pase“, selon yon kominike ki ekri sou dosye a, jounal Listín Diario rapòte.
Yo te ajoute pou di «Avyon yo pral gen pou lwe ak prete avèk enstitisyon yo epi òganizasyon yo ki vle kite peyi a».
Yon lòt bò, pòt pawòl prezidan dominiken an, Homero Figueroa, te pral fè konnen «otorite dominiken yo te mande omològ an Ayiti yo pou kreye yon mwayen pou ede moun yo kite peyi a, sitou diplomat yo nan peyi vwazin an parapò avèk zak vyolans nan dènyè semèn yo».
Sepandan, pou evite tout move entèpretasyon responsab dominiken an fè kwè Nasyonzini pa te mande yo pon ayeryen. Men se pito pon ayeryen yo a yo pral itilize pou transpòte materyèl, ak pèsonèl yo, selon deklarasyon jeneral Gómez Vásquez te fè nan mikwo SIN NEWS.
Atik sa se pwopriyete prive ©️ Gwoup Medya MAGHAITI 2024
