Nan yon atik BBC news fenk sòti jodi jedi 7 mas 2024 la, yo revele gen plizyè polisye kenyan ki chwazi pa vin an Ayiti ankò. Daprè jounal la, polisye sa yo pran desizyon rale kò yo se paske yo estime nivo vyolans la vin twò rèd nan peyi Dayiti.
“Pandantan sa, plizyè polisye kenyan ki te bay tèt yo pou deplwaman an chwazi pou yo pa patisipe ankò pou rezon sekirite“, se sa jounal ameriken an di nan atik sa ki pale sou pouvwa gang yo genyen plis kounya sitou avèk divès komisarya yo boule pandan ti bout tan yo la.
Yon lòt kote, BBC news fè konnen gen yon ofisye ki deklare yo pou misyon an pa gen okenn plan klè pou yo ta konn nan ki fason yo ta dwe travay pandan deplwaman an. Se menm jan an tou, yo rapòte deklarasyon yon lòt ofisye ki li menm fè kwè gen kèk polisye ki te nan ekip li ki bay koze koze vag tousuit aprè nivo vyolans la rive ogmante a la.
Pou sa ki gade reyinyon peyi Karayib yo (CARICOM) te tante fè pou jwenn yon solisyon rapid la, enbyen prezidan Giyàn nan, Irfaan Ali te gentan fè konnen nan yon videyo malgre jefò 24/24 yo fè ni gouvènman an, ni pati politik Ayiti yo(opozisyon ak lòt), ni sektè prive a, ak òganizasyon relijye yo yo youn pa rive mete yo dakò sou yon solisyon vre.
Credit Photo: The Standard
Atik sa se pwopriyete prive ©️ Gwoup Medya MAGHAITI 2024
