Fas ak sitiyasyon aktyèl ki lakòz divès enpak tankou ensekirite sosyal nan peyi a, kote pa gen lapè epi privatizasyon inakseptab yo, direktris jeneral UNICEF la, Catherine Russell deklare nan yon nòt, aksyon sa yo mete andanje avni anviwon yon milyon timoun. Kidonk, li mande pou kominote entènasyonal la travay avèk ayisyen pou ede yo pote yon repons pou yo ka reprann konfyans ak lespwa epi dwa entènasyonal yo nan koze dwa moun.
“Popilasyon Ayisyen an ap fè fas avèk 2 flanm dife: Espas ki te rezève avèk timoun yo transfòme kounya kòm chan batay, rezèv sosyal esansyèl yo sou pwen pou li efondre, pò yo ak Ayewopò atake, repons imanitè pou milye timoun ak sivil paralize akòz kèk aksyon sovaj», pou n site pawòl direktris jeneral Fon Nasyonzini pou Timoun (UNICEF) nan.
Plis ensekirite ap ogmante, se plis timoun ki pap ka ale lekòl ni jwenn kote pou yo dòmi, sitou aprè gwo atak 29 fevriye 2024, nan peyi a avèk gwoup gang ak zam yo. Sa ki pral ogmante nivo ensekirite alimantè a nan peyi a.
Pi douvan, li soulinye plis yon milye timoun ak fanmi yo ap viv nan komin ki andanje. Kote gen plis pase 362 000 deplase entèn ki se moun dezespere anndan pwòp peyi yo, grangou ak malnitrisyon lakòz yon nivo lanmò anraje nan yon tan tou kout. Li di tou, chif yo choke moun paske anviwon 2 timoun sou 3, bezwen èd imanitè an Ayiti.
Nou dwe prepare nou pou yon katastwòf natirèl, yon ijans pou sante piblik epi epidemi nan peyi a. Nou dwe ankouraje ak soutni enstitisyon Nasyonal yo pou angaje nan manyè efikas touprè kominote a ki touche epi avèk sila yo ki enfliyan yo kapab mete yon bout avèk vyolans la, toujou daprè pawòl responsab la.
“An n fè kominote entènasyonal la voye yon mesaj puisan ki chita sou inite ak lespwa, pa sèlman pou pèp ayisyen an men pito avèk tout sivil nan mond lan k ap soufri anba vyolans, privatizasyon epi Abi ak vyolasyon dwa moun yo», pou fini avèk deklarasyon direktris Jeneral UNICEF la, Catherine Russell.
Atik sa se pwopriyete prive ©️ Gwoup Medya MAGHAITI 2024
