Nan yon kominike li fè sòti jodi mèkredi 6 mas 2024 la, wo komisè Nasyonzini an, Volker Türk mande pou kominote entènasyonal la aji vit pou Ayiti. Li fè konprann, si pa gen anyen ki fèt kounya la, peyi Dayiti ap rive pi ba pase jan l ye la.
“Sitiyasyon sa plis pase pa kapab ankò pou pèp ayisyen an, depi pou kòmansman ane a, yo touye 1193 moun e gen 692 blese akòz vyolans gang yo. Se yon chif ki fè moun sezi“, selon sa Türk mansyone san bliye site sistèm sante a ki pa bon, lekòl yo ak antrepriz yo ki fèmen pòtay yo, pwoblèm dlo pou bwè ki genyen epi move sitiyasyon 313 000 deplase entèn ap viv pandan moman sa menm.
Pou tout sa yo, gwo responsab Nasyonzini an mande yon lòt fwa ankò pou Misyon Miltinasyonal Soutyen an deplwaye an Ayiti san pèdi tan. Paske li rete kwè, avèk prezans etranje yo sou sòl la, y ap kabap pote Lapolis sekou pou yo menm kabap tabli sekirite pou pèp ayisyen an men se nan kondisyon ak règ entènasyonal yo ki konfòm avèk dwa moun.
Atik sa se pwopriyete prive ©️ Gwoup Medya MAGHAITI 2024
