Selon enfòmasyon Sendika Nasyonal Lapolis la (SYNAPOHA) fenk pataje sou kont X li (Twitter) jodi madi 5 mas 2024 la, li fè Konnen Akademi polis la gen gwo malè pandye sou li kounya la. Se pou sa, yon tanmen lanse SOS pou enstans konsène yo pou pita pa pi tris.
“Akademi polis la li an danje nan moman n ap pale la, direksyon Jeneral, DCPA, DDO2 jwèt pou nou voye ranfò pou akademi an“, Daprè mesaj ijans responsab yo lanse depi kèk tan la. Apèl detrès la plis ijan toujou se si n kwè SYNAPOHA a, paske yo raple pi wo grade yo 33yèm pwomosyon an ap pran fòmasyon aktyèlman nan lokal la ki sou gwo menas.
N ap soulinye, nan espas sèlman 2 jou sa fè 3yèm SOS Sendika a lanse bay otorite polisyè yo. Pandanstan, malgre tout avètisman yo sa pa t anpeche pi gwo prizon peyi a kraze samdi ki sot pase a, kote jounen jodi a pifò nan prizonye yo gaye nan lanati, puiske okenn dispozisyon pa janm pran kont divès atak nèg ak zam yo kont enstitisyon polisyè yo nan peyi a.
Atik sa se pwopriyete prive ©️ Gwoup Medya MAGHAITI 2024
