Administrasyon Biden nan fè konnen ayè lendi 4 mas 2024 la, Etazini pap voye sòlda li pou vin ede polis Nasyonal Dayiti a pou reponn avèk kriz ensekirite k ap vale teren an. Se yon desizyon ki pran menmsi gen yon asosyasyon chèf gang ak zam ki atake prensipalman pò maritim, Ayewopò Nasyonal Toussaint Louverture bandi ak zam te gentan fouye yon tou pou ka antre, epi gran prizon an, selon sa yon responsab mezon blanch deklare Miami Herald.
Selon sa yo di, desizyon an pran se aprè 72è tan, aprè diskisyon diplomat ayisyen ak ameriken yo. Ki selon yo menm t ap diskite pou yon posibilite pou te gen yon vini fòs etranjè espesyalman ameriken nan lide pou reponn avèk kriz Ayiti a. Men yo mansyone yo pito ap mennen kèk demach pou misyon an reyisi pito.
Alòske yo di : “N ap mobilize an tout ijans tout soutyen nou menm avèk kominote entènasyonal la ka pote rapid pou Ayiti, an patikilye avèk polis Nasyonal Dayiti pou n rive garanti yo an mezi pou retabli sekirite nan enterè popilasyon an“, daprè sa yo di pandan yo soulinye konseye kominikasyon sekirite nasyonal Mezon blanch la, John Kirby ki di jouskaprezan
peyi Etazini ap fòse pou akselere vini fòs sa peyi Kenya ap nan tèt li a.
Administrasyon Biden nan raple se 200 milyon dola vèt y ap bay, men yo fè kwè depatman Deta a jwenn gwo opozisyon bò kote lejislati repibliken an ki anpeche yo menm rive debloke 50 milyon dola pou ta demare misyon sila. Yo presize, pandan tout wikenn nan wo responsab gouvènman ameriken an te rete an kontak avèk wo responsab gouvènman ayisyen an epi manm kominote entènasyonal la pou ede estabilize sitiyasyon a nan peyi a.
Bò kote prezidan kenyan an, William Ruto li menm ak reprezantan Ayiti yo te gentan siyen akò bilateral ki ofisyalize prezans 1000 polisye kenyan yo an Ayiti. Sepandan, yo fè konnen sòlda yo pap met pye yo toutotan yo poko jwenn lajan k ap finansye misyon an.
Atik sa se pwopriyete prive ©️ Gwoup Medya MAGHAITI 2024
