Nan yon nòt yo sòti jodi lendi 4 mas 2024 la, gouvènman an fè konnen tout bagay dwe kontinye fonksyone pandan 3 jou eta ijans yo te deklare a. Lekòl, administrasyon piblik, se pami kèk enstans selon gouvènman an, ki dwe toujou ap fonksyone malgre nivo vyolans ki gen nan peyi a.
“Gouvènman an vle fè tout moun konnen administrasyon piblik, komès, endistri, ak lekòl yo pa dwe kanpe pandan 3 jou eta ijans gouvènman Repiblik la te deklare a“, se sa yo fè konnen nan nòt sila puiske jounen jodi lendi 4 mas la divès lekòl ak labank pa louvri pòtay yo nan kapital la.
An konsekans, yo raple desizyon sa yo te pran an, se plis pa rapò ak kalte ijans ki genyen nan depatman lwès la. Se pou sa, yo peze sou pawòl sa yo pou di kouvrefe a kòmanse “sòti 6è nan aswè pou rive 5è nan maten lendi 4 madi 5 ak mèkredi 6 mas 2024 la”.
N ap raple selon sa otorite yo di, mezi sa yo pa konsène ajan fòs piblik ki an sèvis yo, ponpye, anbilansye, pèsonèl sante yo ak tout jounalis ki ka byen idantifye yo.
Atik sa se pwopriyete prive ©️ Gwoup Medya MAGHAITI 2024
