Anpil moun ki sòti nan zòn Kafoufèy la pran lari jodi lendi 7 dawout 2023 a, nan lide pou manifeste kont gang ki pa sispann menase pou anvayi zòn nan. Sou tout pakou a, moun yo pa sispann mande Leta pou pran responsabilite l pandan y ap mande pou otorite yo ranfòse komisarya ki nan zòn yo a.
“DDO pran responsablite w Kafoufèy pa Matisan“, se kri abitan yo ki ak branch bwa nan men yo te tou pwofite avèti polisye yo pou yo pa tire sou yo pandan mobilizasyon sa. Yon lòt bò, pwotestatè yo fè konnen yo pap kite zòn nan pou okenn nèg ak zam se pou sa, yo deklare yo pran lari pou fòse otorite yo ede yo konbat ak tout endividi ki ap twouble lapè yo depi novanm 2022.
Mete sou sa, pandan dènye jou sa yo nan kanpay sitwayen zòn sa ap mennen menm sou rezo sosyo yo, timoun kou granmoun te tante voye yon mesaj klè bay responsab polisyè yo nan peyi a.
“Komisarya Savann Pistach bezwen minisyon”
“N ap viv Kafoufèy nou bezwen èd PNH ak F
“Mwen se yon timoun bandi pa kite lespri m anpè”, se divès pawòl sila yo ki te ekri nan plizyè pankat k ap sikile depi kèk jou sou rezo sosyo yo.
N ap raple nan menm atak bandi ap fè nan zòn sa, polisye Eddy Dorisca te pèdi lavi l samdi ki te 4 dawout 2023 a, nan afwontman ki te genyen ant lapolis ak nèg ak zam yo nan zòn Savann Pistach.
Atik sa se pwopriyete prive ©️ Gwoup Medya MAGHAITI 2023
