Anba tèm “Souf pou Ayiti” plizyè milye moun te pran lari jodi dimanch 9 jiyè a nan lari Pòtoprens tankou nan pwovens, nan lide pou voye yon mesaj klè bay kominote entènasyonal la pou rive lonje men bay peyi a. Atravè mach sila, kretyen yo an patikilye swete vwa yo ap rive jwenn peyi loksidan yo.
Mach entènasyonal sila se yon inisyativ ki pote siyati legliz Tabernacle de Gloire ki gen nan tèt li pastè Grégory Toussaint. Daprè lidè legliz la, aksyon sa yo poze nan divès peyi tankou Kanada, Frans ak Etazini ap ede kominote entènasyonal la pran konsyans pou rive wè nan ki eta ayisyen paka soufri ankò.
Plizyè eslogan te ekri nan plizyè pankat pou mach pasifik sa “Sekou pou Ayiti”, Ayiti pap peri” se pami sa ki te ekri nan divès pankat ki te nan men moun yo nan tèt kole pou delivrans peyi a. Mete sou sa, responsab legliz la kore pwogram imanitè Biden te mete sou pye depi mwa janvye pase a. Se sa k fè pandan tout pakou aktivite a moun yo fè eksprime yo pou di pwogram nan pa dwe kanpe jan pati repibliken nan peyi Etazini an swete sa a.
Crédit Photo: Henry Sanon
Atik sa se pwopriyete prive ©️ Gwoup Medya MAGHAITI 2023
