Jounen jodi madi 27 jen 2023 a, antreprenè Ayisyen Andre Apaid voye jete akizasyon peyi Kanada fè sou do li pou sanksyone li semèn pase a, kòmkwa li ta yon moun k ap vyole dwa moun epi fè vyolans seksyèl.
«Andre Apaid kategorikman voye jete akizasyon ki fèt sou do li a, menm kalifye sanksyon sa kòm enkonpreyansib», selon twit Radyo RFM fè konsènan sanksyon sou antreprenè Ayisyen an.
N ap raple antreprenè Ayisyen an Andre Apaid te pral pami 3 chèf gang peyi Kanada te sanksyone nan dat 23 jen ki sot pase la, ki se Joseph Wilson alyas Lanmò San jou, Vitelhomme Innocent epi Johnson André alyas Izo 5 segond, akoz y ap vyole dwa moun epi fè vyolans seksyèl sou moun.
Prezime koupab sa yo pa gen dwa pile teritwa Kanada a, selon lalwa pwoteksyon refijye yo. Anplis, yo pral gen pou sezi byen tout sila yo ki fè pati sanksyon sa.
Atik sa se pwopriyete prive ©️ Gwoup Medya MAGHAITI 2023
