Gouvènman kanadyen an sanksyone jodi vandredi 23 jen an, biznisman André Apaid, Lanmò san jou, Izo, ak Vitelhomme Innocent akòz yo patisipe nan vyolasyon dwa moun ak vyolans seksyèl nan peyi a. Se minis zafè etranje kanada a, Mélanie Joly ki fè anons sila a.
André Apaid, Joseph Wilson (Lanmò san jou), Vitelhomme Innocent, André Jhonson(Izo) se non 4 moun sa yo gouvènman kanadyen an pran desizyon pou sanksyone jounen jodi vandredi an. Daprè sa minis zafè etranje peyi Kanada a, Mélanie Joly fè konprann moun sa yo ta patisipe nan kesyon vyole dwa moun, epi vyole ti fi ak fanm nan sosyete ayisyen an.
4 moun sa yo ki rive sanksyone jounen jodi a pap gen dwa pou ale nan peyi Kanada, epi tout kont yo genyen gentan bloke toujou daprè sa minis la fè konnen.
N ap raple semèn pase a Kanada te di li sanksyone ansyen palmantè Gracia Delva ak Victor Prophane ki ta patisipe nan mete peyi Ayiti nan pozisyon li ye la.
Atik sa se pwopriyete prive ©️ Gwoup Medya MAGHAITI 2023
