Jounen jodi mèkredi 14 jen 2023 a, yon prezime bandi mouri nan lokalite Jan Deni epi lòt la mouri nan lokalite Moje ki se premye seksyon kominal Ti rivyè Latibonit. Epi 2 prezime bandi sa yo ta manm baz «Gran Grif», selon enfòmasyon Vant Bef info pataje.
«Non bandi sa yo se Ashney ak Diego ki t ap opere nan baz «Gran Grif», poutan kowalisyon nan Jan Deni ta touye yo akoz yo t ap simen panik ak laperèz nan lokalite yo a» toujou selon enfòmasyon Vant Bef info pataje.
2 prezime bandi sa yo t ap sikile sou motosiklèt avèk gwo zam nan men yo, sa ki te pral lakoz kowalisyon Jan Deni te pral mete men sou yo epi menm touye yo pandan echanj kout bal avèk yo. 2 gwoup gang sa yo toujou ap batay ant yo menm, ki se gang «Gran Grif ak gang «Jan Deni» nan depatman Latibonit.
© Tous droits réservés – Groupe Média MAGHAITI 2023
