Plizyè ajan migrasyon nan Repiblik Dominikèn rive arete 5 prezime bandi ki t ap sove kite peyi Dayiti jounen dimanch 14 me 2023 a, presizeman nan zòn «Barahona», selon medya Diaro Libre.
«Prezime bandi sa yo gen pou non Yosel, Disón, Usnel, Huonel epi Ernest te pral arete nan lokalite Barahona», selon sa medya Diaro Libre fè konnen.
Toujou selon medya sa prezime kriminèl sa yo te san pyès pou jistifye vwayaj yo epi yo te gen avi rechèch dèyè yo pou plizyè koz tankou touye moun, vòl ak zam, Asosyasyon malfektè, elatriye. Finalman, yo remèt yo bay otorite ayisyen ki sou Fwontyè, k ap travay nan zòn Malpas la.
Nan nòt sa, chèf imigrasyon Repiblik Dominikèn nan ki se Venancio Alcántara raple li pral vrèman di ak detèmine avèk tout kriminèl kèlkeswa nasyonalite yo, sitou Ayisyen k ap itilize Repiblik Dominikèn kòm mwayen pou yo kouri kont sanksyon lajistis nan peyi yo.
Atik sa se pwopriyete prive ©️ Gwoup Medya MAGHAITI 2023
