Aprè jij Enock Chacha Mwita te finn deside pou entèdi polisye kenyan yo vinn an Ayiti pou jouska jodi 24 oktòb 2023 a, fwa sa daprè Nation Africa, tribinal la deside jodi a menm pou pwolonje òdonans sila pou yon lòt dat. Desizyon sila pran nan yon moman kote Òganizasyon Nasyonzini vle kontinye pran sanksyon kont tout gang ak tout pèsonalite ki enplike nan sitiyasyon vyolans peyi a ap konnen yo.
“Tribinal la pwolonje òdonans la pou yon tan, se li ki entèdi deplwaman polisye Kenyan yo, li valab jouskaske rekèt la byen jije“, se sa avoka Ekuru Aukot deklare alòske misyon Nasyonzini an vize pou peyi afriken an nan tèt militè etranje ki ta dwe vinn bay peyi Karayib la ki nan difikilte yon souf.
Pou kounya gouvènman Kenyan an poko reyaji kontrèman ak avan sa, puiske prezidan William Ruto te fè konnen l ap jis tann li jwenn akò palman peyi li a pou voye ajan li yo sou teritwa ayisyen an.
N ap raple desizyon sa te pran tousuit aprè pati Thirdway Alliance d’Ekuru Aukot ki gen nan tèt li Miruru Waweu ak Ekuru Aukot te depoze vandredi 6 oktòb 2023 a, yon rekèt douvan tribinal la pou te anpeche polisye kenyan yo vinn opere nan peyi a.
Atik sa se pwopriyete prive ©️ Gwoup Medya MAGHAITI 2023
