Nan anviwon 1è50 nan maten jedi 16 fevriye a, yon tranbleman tè pase avèk mayitid 5.5 nan gran Nò peyi a selon radyo Karayib. Sitiyasyon sa te pwovoke laperèz lakay anpil moun.
Plizyè abitan nan depatman Nòdwès, Nò, Latibonit, te santi egzakteman sekous tranbleman tè, kote episant tranbleman tè a te twouve l a anviwon 40km Bonbadopolis, ki se youn nan komin Nòdwès la.
Nan moman n ap ekri a, pa gen okenn moun ki mouri ni materyèl ki kraze aprè pasaj tranbleman tè sa nan plizyè depatman nan peyi Dayiti. Kèk lòt peyi, tankou Kiba, Repiblik Dominiken epi zile Tik ak kayikòs te santi menm sekous yo.
Pandan, n ap raple dènyè bilan tranbleman tè nan yon manitid 7.8 ki sot frape peyi Tiki ak Lasiri nan dat 6 fevriye 2023, lakoz lanmò plis pase 40 mil moun, malgre gen gwo posibilite pou chif la double, selon Òganizasyon Nasyonzini.
Atik sa se pwopriyete prive ©️ Gwoup Medya MAGHAITI 2023
