Lapolis amerikèn revele yè mèkredi 8 me 2024 la kòz lanmò yon timoun 4 an ki gen pou orijin Ayisyèn. Ti gason sa a rive pèdi lavi l aprè manman adoptif li, yon ayisyèn 36 lane, te fin ba li plizyè kou nan senti l jiskake li rive jwenn lanmò l premye me ki sot pase la.
«Nou pa panse ni konn sa a timoun sa a te soufri», se sa a Lapolis Gradye Judd deklare, yo kontinye pou ajoute : «Nou genyen yon lòt videyo kote li tonbe sou fas atè, manman l te frape l nan do. Li pa t menm ka reziste, se kòmsi se te yon fenomèn nòmal.»
Non viktim lan, se Bryan epi li fèt an Ayiti. Li te kite peyi a akoz manman l pa t vle li. Se sè Saintizaire ki te ede li òganize yon pwosesis adopsyon ki t ap dire 3 an. Ti gason 4 an sa a te vin sou kontwòl Saintizaire ki se prezime kriminèl la, Bryan jwenn lanmò l 1 an aprè li te nan men l.
Patricia Boyer Saintizaire ki gen 36 an, k ap viv nan zòn Davenport (Etazini), se prensipal akize nan lanmò Bryan.
«Li mouri paske li te bat li nan yon nivo grav», selon polisye Grady Judd yo apre ankèt yo mennen.
Premye me, Bryan te sot lekòl ak manman l Saintizaire nan bis li blòk 5è 10 minit nan aprè midi, li t ap plenyen li fèb epi fatige kòmkwa se ta yon timoun ki gen grip, selon deklarasyon manman adoptif la te bay Lapolis pou l defann li aprè yo te fin poze l kesyon sou lanmò a.
«Blòk 8è nan aswè, Saintizaire ak Pitit gason adoptif li ki gen 16 an t al dèyè Bryan nan chanm li pou l vin manje, men yo te jwenn li ap tranble epi l vomi 3 fwa yon sèl kou», se deklarasyon sa a prezime koupab la bay Lapolis.
Nan menm moman an pitit gason 16 an li an te kouri Lopital ak Bryan nan «AdventHealth Heart of Florida à Haines City». Dòktè yo te ba li premye swen epi mande pou yo ale avèk li nan yon lòt Lopital. Bryan jwenn lanmò l nan elikoptè pandan yo t ap transpòte li nan yon lopital Òlando.
Atik sa se pwopriyete prive © Gwoup Medya MAGHAITI 2024
