Aprè l te finn patisipe nan reyinyon “Plan sekirite sitwayen”, vis prezidan dominikèn nan, Raquel Peña deklare ayè madi 12 desanm nan, lame yo a prè epi kapab frennen migran Ayisyen yo. Selon Listín Diario, li fè konnen lame dominiken an deja ap travay pou garanti tout moun k ap antre sou teritwa yo a ap vini byen epi vini ak papye legal.
“Nou ka rete tèt frèt paske tout fòs ki la pou garanti bon jan dewoulman migrasyon nan peyi a ap travay san pran souf“, daprè sa madan prezidan Luis Abinader di pandan l rasire sòlda yo ap travay pou mete tabli sekirite sou fwontyè yo a.
Menm jan l te deklare l la, jodi mèkredi 13 desanm nan ta gen plizyè sòlda dominiken ak ajan kò espesyalize sekirite fwontyè terès(Cesfront) responsab yo transfere nan zòn Bahoruco. Selon jounal la, ajan sa yo jwenn lòd nan men minis defans la, Carlos Luciano Díaz Morfa ak jeneral majò Carlos A. Fernández Onofre, pou arete tout migran ayisyen san papye, epi kenbe tout machandiz kontrebann(zam ak lòt machandiz) nan zòn sa.
N ap raple, se nan zòn Bahoruco sa menm otorite dominiken yo te arete lendi 11 desanm pase a, 324 migran Ayisyen san papye. Aprè operasyon sila, yo te tou depòte yo voye Ayiti nan menm jou a.
Autor de la foto: presidencia de la republica dominicana
Atik sa se pwopriyete prive ©️ Gwoup Medya MAGHAITI 2023
