Sòti 3 mas pou rive 29 mas ki sot pase a, anbasad amerikèn òganize omwen 4 ak 5 vòl pa elikoptè pou retire sitwayen ameriken k t ap viv an Ayiti yo akòz sitiyasyon sosyal ak politik peyi a, selon enfòmasyon jounal Listin Diario rapòte.
Elikoptè ki òganize vòl sa yo pote anviwon 12 ak 17 pasajè chak jou pou ateri Ayewopò entènasyonal «Las americas» nan Repiblik Dominikèn.
Nan lide pou ofri sèvis ak sitwayen ameriken yo, anbasad yo a te mete yon biwo disponib nan pati sid tèminal la pou ede yo nan kad pwosesis imigrasyon ak transfè rapid vit nan lòt vòl komèsyal yo.
Anplwaye Ayewopò sa a ak pèsonèl legal Ameriken yo travay an kolaborasyon. Yo travay tou nan kwòdone avyon k ap gen pou pote pasaje Ameriken yo ale nan peyi yo. Sa ki te pral fè sekretè d eta Ameriken an, Antony Blinken, eksprime gratitid li bay prezidan dominiken an, Luis Abinader, pou kontribisyon peyi li nan ede sitwayen Ameriken yo vwayaje san pwoblèm.
Atik sa se pwopriyete prive ©️ Gwoup Medya MAGHAITI 2023
