Daniel Alves ansyen jwè foutbòl ki gen 40 lanne, ki te kondane nan prizon nan dat 22 fevriye 2024 pou 4 an edmi nan prizon Espay, te mande yon liberasyon pwovizwa pou 1 milyon dola, akoz zak vyòl, se sa a jounal France 24 rapòte. yo kontinye pou di “Tribinal nan peyi a apwouve demann liberasyon akize a aprè Kondanasyon l pou vyòl.”
Ansyen jwè Baselòn, PSG, Jivenntis, Brezil, elatriye a te pral jwenn arestasyon l nan dat 20 janvye 2023, akoz vyòl nan lannuit 30 pou rive 31 Desanm 2022, nan yon disko nan vil Baselòn.
Alòske tribinal nan peyi Espay te pral mande pou Daniel Alves dedomaje viktim lan ak €150000 epi pou li pase anviwon 5 an nan prizon kòm pèn pou zak sa a.Tribinal la fini pa apwouve demann nan.
«Nan moman pwosè a, Daniel Alves te pral rekonèt zak li, men fè konnen relasyon an te konsanti sofke li deside pran defans kounye a, frajilize sa a epi chanje vèsyon pa li», se sa a France 24 fè konnen toujou.
Boutofen liberasyon pwovizwa sa pral koute l 1 milyon Ewo , malgre avoka li ta fè konnen kliyan li an gentan pase 1/4 nan pèn li nan prizon, kidonk yo ta dwe fè l peye €500000 kòm kosyon, selon Mèt Inès Guardiola.
Pandanstan sa a, Daniel Alves pral gen kòm santans pou li remèt 2 paspò Baselòn li yo, 1 paspò Brezil, pou li evite franchi wout kay ak travay viktim lan apati 1 kilomèt ni rele li nan telefòn.
Atik sa se pwopriyete prive ©️ Gwoup Medya MAGHAITI 2024
