Jounen jodi mèkredi 30 novanm 2022 a, Televizyon Nasyonal Dayiti ta pèdi otorizasyon li te genyen pou retransmèt match Koupdimonn Kata 2022 a.
Nan yon nòt ki pibliye jodi mèkredi a, VertiCast fè konnen TNH pa gen dwa retransmèt match akoz yon kontra Televizyon Nasyonal la pa ta respekte.
Gouvènman Ayisyen te gen yon otorizasyon pou li retransmèt match koupdimonn 2022 a, ki te kòmanse 20 novanm k ap fini 18 desanm 2022 a, Televizyon Nasyonal Dayiti(TNH) te gen plizyè fason pou li peye kontra sa avèk «Verticas media & DiectTv», men sa pa te rive fèt nan jou ki te 28 novanm 2022 a.
Anvan kòmansman konpetisyon an, Ministè Kilti ak Kominikasyon (MCC) te anonse Televizyon Nasyonal Dayiti ap gen pou misyon difize match yo nan tout peyi a epi te menm swete konpatriyòt nou yo respè pandan y ap gade match yo.
Poutan, Televizyon Nasyonal Dayiti ak Ministè Kilti ak Kominikasyon potko egzekite okenn vèsman pouki penmèt li gen otorizasyon sa avèk Federasyon Entènasyonal Amatè Foutbòl (FIFA), k ap òganize mondyal la nan peyi Kata.
Nan sans sa, Televizyon Nasyonal Dayiti avèk lòt medya yo pa pral gen dwa pou yo bay match koupdimonn lan nan dezyèm tou konpetisyon an, toutotan yo pa respekte kontra yo te genyen an.
Atik sa se pwopriyete prive ©️ Gwoup Medya MAGHAITI 2022
