Moun yo pa rive idantifye tire ayè nan lannuit jedi 23 mas 2023 a, òm dafè Tharte Murat nan vil Okay. Daprè enfòmasyon yo, defen an pa t rive jwenn lavi malgre moun ki te la yo te fè dilijans pou mennen l lopital aprè atak nèg ak zam te finn fè sou li.
Tharte Murat moun Okay plis konnen sou non “Tharte Bèl Boukan” ki te posede plizyè biznis pami yo yon konpayi moto ki pote non l jwenn lanmò li ayè jedi a, aprè nèg ak zam te finn atake l pandan l te sou volan machin li, tou pre biznis li nan zòn lafama (boulva 4 chemin).
Daprè plizyè medya lokal, gwo komèsan an ta resevwa plizyè bal nan tèt ak nan ponyèt. Sa ki fè li pa t rive jwenn lavi malgre moun te kouri ak li lopital.
Pou kounya, nan vil Okay zak banditis pa sispann miltipliye malgre komisè Ronald Richemont te di l ap kwape tout bandi ki vle bay problèm Nan 3 yèm vil peyi a.
Atik sa se pwopriyete prive ©️ Gwoup Medya MAGHAITI 2023
