Aprè demisyon ansyen anbasadè Dominique Dupuy ayè dimanch 24 mas la nan tèt konsèy prezidansyèl la akoz divès pawòl ak menas li t ap sibi, Smith Augustin se nouvo ranplasan li kòm reprezantan Rezistans Demokratik ak Angajman Devlopman/Konpwomi Istorik (RED/EDE/COMPROMIS) nan tèt prezidansyèl Tranzisyon an.
Smith Augustin, doktoran an sosyoloji epi ansyen anbasadè Ayiti nan Repiblik Dominikèn, ki te konn pote soutyen nan refleksyon politique ak sosyal nan Amerik latin ak Karayib la, jounen li jodi a se reprezantan gwoupman politik sa a.
Nominasyon sa a rive fèt epi enskri tèt li nan volonte pou penmèt yon divèsifikasyon epi yon lòt pèspektiv anndan konsèy la.
Malgre prezans 7 manm yo anndan konsèy prezidansyèl tranzisyon an, gwo tansyon ak ajisman pa sispann tabli pami aktè yo pou penmèt yon chwa nan mitan yo kòm prezidan konsèy sa a. Poutan, peyi a ap konnen yon vid enstitisyonèl depi aprè demisyon premye minis defakto Ariel Henry nan dat 13 mas 2024 la.
© Tous droits réservés – Groupe Média MAGHAITI 2024
