Antonio Guterres ki se sekretè jeneral nan Nasyonzini pral gen pou fè premye vizit li an Ayiti demen 1e Jiyè 2023 a, nan objektif pou li rankontre manm nan gouvènman an epi divès aktè politik sou kriz k ap travèse sosyete Ayisyen an.
Anvan tou sekretè jeneral nan Nasyonzini, Antonio Guterres, pral gen pou l rankontre chèf Primati an epi kèk manm nan gouvènman an pou diskite sou kriz Ayisyen an epi wè kòman nou ka retounen nan òd konstitisyonèl nan peyi a.
Sou lòtbò, li pral gen pou li rankontre kèk aktè politik ak sosyete sivil la, nan objektif pou diskite sou posibilite yon fòs etranje ka vin etabli kò l nan peyi an pou yo ka batay kont fenomenn ensekirite nan peyi a.
N ap raple dènyè somè ki te òganize nan dat 11 jen pou rive 13 jen ki sot pase a, kote li te mete plizyè Ayisyen sou tab pou te diskite sou kriz peyi a nan peyi Jamayik, men pou anpil moun se ta pèdi tan akoz anyen pa vini kòm solisyon kriz.
Atik sa se pwopriyete prive ©️ Gwoup Medya MAGHAITI 2023
