Sekretè Jeneral Òganizasyon Eta Ameriken yo(OEA) eksprime gwo preyokipasyon li jounen jodi lendi 4 mas 2024 la. Li fè konsiderasyon sila se parapò avèk sitiyasyon ensekirite k ap ravaje sosyete Ayisyèn nan pandan dènyè jou sa yo.
«Li vrèman nesesè pou n fè tout jefò parapò avèk koperasyon nou anndan Nasyonzini pou retabli sekirite nan peyi Dayiti. Se iresponsab akòz mezi ak aksyon nou yo ki kontinye ap pran tan pou fèt», deklarasyon Luis Almagro nan nòt sila.
Anplis, li ajoute pou l di: “San sekirite pa gen demokrasi nan okenn peyi», nan sans sa nou kontinye montre soutyen nou avèk pèp Ayisyen an, sitou avèk sa ki anndan peyi a epi dyaspora yo. Pandanstan, n ap kontinye angaje n epi kontinye kolabore nan lide pou fè pwomosyon pou pwosesis demokrasi a an Ayiti ki se yon eleman endispansab”.
Sou lòt bò a, ki fè konprann y ap kontinye chèche garanti an matyè dwa moun ak pwoteksyon anndan peyi a nan kontèks pou pèmèt eleksyon lib ak jis fèt nan peyi Dayiti.
«Sekretè Jeneral OEA detèmine pou ranfòse koperasyon li avèk Ayiti pou fè fas avèk divès defi n ap konnen jodi a ak enstabilite demokratik, presizeman chomaj, ensekirite alimantè, analfabetis, koripsyon, pwoblèm sosyal ak politik, ekonomik ki touche peyi a, Malgre vyolans la ap kontinye nan peyi a akòz yon dividal kriminèl kenbe peyi a nan men yo», se konsa sekretè Jeneral Òganizasyon Eta Ameriken an fini nòt li a.
Atik sa se pwopriyete prive ©️ Gwoup Medya MAGHAITI 2024
