Kèk sòlda militè Kò Espesyalize pou Sekirite Fwontyè Terès (CESFRONT) kanpe sou pon Dajabón ki travèse Ayiti a jounen madi 5 mas 2024 la, pou anpeche ayisyen pile tèritwa dominiken an. Se yon mezi ki pran parapò avèk sitiyasyon ensekirite k ap devlope an Ayiti a, daprè enfòmasyon Jounal Listín Diario bay.
«Nou te obsève se sèlman etranje yo ki gen lòt nasyonalite k ap kite Ayiti pou rezon enstabilite politik ak sosyal ki te gen otorizasyon antre nan peyi a», daprè deklarasyon yon jounalis yo.
Sou lòt bò a, Juana Méndez(Wanament) ki se yon vil ki touprè Dajabón, gen plis pase yon 100èn ayisyen ki rasanble. Kote y ap tann pou sòlda yo pemèt yo rantre nan sou sòl dominiken an pou yo ka ale regle zafè yo.
Alòske otorite dominiken yo menm, kenbe fwontyè a louvri se sèlman pou Ayisyen ki lakay yo ki vle antre Ayiti fè sa pi byen. Pou moman n ap pale la, okenn nan nou pa konn kilè mezi entèdiksyon gouvènman Abinader la ap sispann, toujou daprè sa jounal Listín Diario deklare.
Malgre mezi sila gen gwo enpak sou sektè komèsyal la, gen machann tankou César Espinoza ki di yo pito respekte desizyon an olye yo plenyen. “Tout mezi sila yo gouvènman an pran an, se nan lide pou l defann peyi a, kidonk m konfòme m avèk sa”.
Atik sa se pwopriyete prive ©️ Gwoup Medya MAGHAITI 2024
