Kèk tan avan ouvèti fwontyè terès ayisyano-dominiken an, yon gwo dife pete nan mache fwontalye Dajabón nan jodi mèkredi 11 oktòb 2023 a. Selon jounal Listín Diario, pèsonn pa konnen ki sa ki pwovoke dife a, men prezidan Asosiyasyon ti machann mache fwontalye yo, Abigail Bruno deklare aksyon an parèt twò sispèk.
“M ap respekte tout desizyon gouvènman an ap pran, paske sa k pase a fè moun rete sispèk paske sa pase sèlman yon ti tan aprè fwontyè a ta dwe louvri ti pa ti pa pou yon dife jis rete li pran konsa“, selon deklarasyon prezidan Asosiyasyon ti machann mache fwontalye a, Abigail Bruno.
Jouskaprezan pa gen okenn detay pou ta konnen nan ki nivo dife a ye, men jounal la soulinye gen plizyè pati komèsan yo konn vann dife a gentan pran ladan yo.
Pou kounya, daprè jounal dominiken an dife a poko etenn menm aprè inèdtan entèvansyon inite ponpye yo nan mache a. Men yo fè konnen, ajan yo oblije kite mache a pou al chache plis dlo akòz dlo yo te fini nan eseye etenn dife a.
Atik sa se pwopriyete prive ©️ Gwoup Medya MAGHAITI 2023
