Nan yon lèt korespondans pati Rasanbleman Antant Nasyonal (REN) adresse prezidan konsèy prezidansyèl tranzisyon an, Edgar Leblanc fils, nan dat lendi 13 me 2024 la, li voye non Dr. Garry Conille pou premye minis konsèy la.
«Dr. Garry Conille parapò ak pakou egzanplè li ki make entegrite l epi konpetans li ansanm ak vizyon estratejik li sou politik piblik yo, li demake l kòm kandida ideyal pou sa a li pwouve nan administrasyon piblik la, karyè li kòm yon egzekitif entènasyonal patikilyeman nan Nasyonzini, konpreyansyon pwofon li sou pwoblèm aktyèl yo ki touche peyi a se gwo avantaj ki pral asire siksè l nan tranzisyon an», se sa a k ekri nan lèt korespondans sa a.
REN pwofite okazyon biwo konsèy prezidansyèl lan te lanse nan dat 10 me 2024 la nan sa k gen pou wè ak enskripsyon kandida pou fonksyon premye minis lan. Pati a kanpe dèyè chwa Dr. Garry Conille kòm premye minis tranzisyon paske, selon yo menm, sa a pral benefik pou tout peyi a.
Pati REN ki gen reprezantan li, Régine Abraham, kòm manm obsèvatè li nan Konsèy Prezidansyèl Tranzisyon an gentan voye tout dokiman bay konsèy tranzisyon an. Nan dokiman an, yo asire kandida pa yo a respekte egzijans KPT a, sitou Akò 3 avril 2024 la.
N ap raple Dr Garry Conille fèt 26 fevriye 1966 nan Pòtoprens (Ayiti). Li te premye minis sou prezidan Michel Martelly sòti 5 septanm 2011 pou rive 2016, li te oblije demisyone aprè move antant li ak ansyen prezidan an. Li te nonmen direktè rejyonal UNICEF pou Amerik latin ak Karayib la an 2023.
Atik sa se pwopriyete prive ©️ Gwoup Medya MAGHAITI 2024
