Alòske 20 eta repibliken t ap atann pou lajistis ameriken fini ak bagay konsa, jij Drew Tipson deside jodi vandredi 8 mas 2024 la, pou kite pwogram nan kontinye jan l te kòmanse a. Selon Miami Herald, desizyon sa se yon gwo viktwa pou administrasyon Biden nan, puiske yo te deside fè l konsa se pou te kapab frennen pwoblèm migrasyon y ap fè fas ak li chak jou a.
“Kou a estime moun ki te pot plent yo pa rive montre yo ka aji sou youn nan rekòmandasyon yo te fè yo“, daprè desizyon final la jounal la rapòte. Pandanstan nan dat ki te 28 fevriye 2023 a, jij la te gentan bay repons sa deja, men kòm jij federal la te gen pou tande 2 pati moun yo nan yon tribinal Tekzas pou ka byen deside, jounen jodi a desizyon an toujou rete menm jan l te ye a.
Pou sa ki gade chif moun ki deja antre nan kad pwogram sa, dènye chif yo fè konnen pou sèlman bout janvye a, gen plis pase 357 000 moun ki antre Etazini. Chif yo pati konsa: 74 000 Kiben, 138 000 Ayisyen, 58 000 Nikaragweyen epi 86 000 Venezwelyen.
Crédit Photo: Law.com
Atik sa se pwopriyete prive ©️ Gwoup Medya MAGHAITI 2024
