Prezidan kolonbyen an, Petro Gustavo anonse ayè madi 30 avril 2024 la, yo jwenn lame yo a pèdi plizyè milyon materyèl tankou bal, misil epi grenad. Daprè Noticia Caracol, chèf leta a nan deklarasyon li yo sipoze materyèl sa yo pèdi a kapab menm gentan rive nan peyi D Ayiti.
«Prezidan an pa retire posiblite pou zam sa yo ta gentan antre vin Ayiti», daprè sa jounal espanyòl la mansyone pandan l fè konprann tou gen posiblite pou zam sa yo vann ak moun ki kont yo. Selon yo menm, objektif moun sa yo se pou kapab atake fòs militè kolonbyen an.
«Sou 556 bal, genyen plis pase yon milyon ki pèdi. Sèl fason n ka eksplike mank sa se dèske genyen depi lontan yon rezo ki gen ladan l militè ak sivil, ki lage nan komès anpil zam pandan yo itilize zam legal leta kolonbyen an», se deklarasyon prezidan Petro Gustavo menm. Pi lwen, li soulinye sa l di yo se aprè gwo ankèt yo te fè nan 2 zòn espesyal ki se Tolemaida ak La Guajira kote yo jwenn materyèl sa yo, moun yo pa bay idantite yo rive vòlè yo.
Annatandan, nimewo 1 Kolonbi an fè konnen ankèt yo ap kontinye nan lòt zòn yo sispèk yo. Nan zòn Tolemaida yo soulinye yo pèdi 3 712 grenad 26 milimèt, 2 880 grenad 40 milimèt epi 1 590 grenad 60 milimèt. Pou sa ki gade materyèl yo vòlè La Guajira yo, jounal Noticia Caracol di lame kolonbyen an pèdi 37 misil Nimwod, 550 wokèt RPG, ak 22 grenad 156 milimèt.
Atik sa se pwopriyete prive © Gwoup Medya MAGHAITI 2024
