Alòske dat komerasyon 30 lane jenosid nan peyi Wannda a prèske rive, prezidan fransè a, Emmanuel Macron, deklare jodi jedi 4 avril 2024 la Lafrans pa t gen volonte pou evite evènman yo. Selon Radyo Frans Entènasyonal (RFI), prezidan an menm fè kwè peyi l te gen mwayen pou te pèmèt jenosid la pa t rive fèt.
«Pou Emmanuel Macron, Lafrans ak alye osksidantal yo epi afriken yo ki te ka kanpe jenosid sa a pa t gen volonte a», se deklarasyon sa a jounal la rapòte ki montre aklè responsabilite peyi Lafrans nan evènman trajik sa a.
Sepandan, daprè sa yo fè konnen Prezidan Macron ta dwe di plis sou dosye sa a nan yon videyo k ap disponib dimanch 7 avril k ap vini la. Poutan, menmsi li di pawòl sa yo, jounal fransè a mansyone chèf la pa gen entansyon ale nan komerasyon evènman trajik sa a nan peyi Wannda malgre prezidan wanndè a, Paul Kagame, te fè l envitasyon an.
N ap soulinye, jenosid sa a te fèt nan peyi Wanda 7 avril pou te rive mwa jiyè 1994, li ki te lakòz lanmò anviwon 800 000 moun. Li te fèt ant pati moun «Hutsus» yo kont «Tutsis» yo. Se sa ki fè tou, jiskaprezan divès asosiyasyon moun ki te chape anba masak istorik sa tankou “Ibuka Frans” mande tou pou Lafrans ta mande yo eskiz.
© Tous droits réservés – Groupe Média MAGHAITI 2024
