Kèk jou aprè responsab aviyasyon dominiken yo pa t aksepte premye minis Ariel Henry ateri sou sòl yo a, jodi samdi 9 mas 2024 la, fwa sa se prezidan Luis Abinader menm ki fè konnen prezans PM nan nan peyi yo a reprezante gwo danje sekirite pou yo. Selon Listín Diario, chèf leta a eksprime enkyetid li sou sa nan yon kominike gouvènman dominiken a mete deyò jodi a menm.
“Abinader nan yon entèvyou nan Financial Times eksplike pa rapò ak kontèks aktyèl la, li pa konsidere prezans premye minis la nan Repiblik la kòm yon bagay ki nòmal“, daprè sa jounal la rapòte pandan yo fè konprann desizyon sa pran konsa se nan lide pou yo menm kapab kenbe sekirite yo puiske sitiyasyon Ayiti a reprezante yon gwo menas pou yo.
Pi lwen, dirijan dominiken an soulinye menm jan sa k ap pase Ayiti a se yon danje pou yo a, enbyen se konsa tou se yon gwo defi imanitè. Se pou sa, li kontinye mande pou kominote entènasyonal la fè jefò ki depann bò kote yo pou ede peyi Dayiti jwenn estabilite l, e menm jwenn yon plan ki ka bout ak òganizasyon eleksyon yo.
N ap fè konnen, daprè jounal El Nuevo Dia pou kounya menm Pòtoriko chèf gouvènman an paka trankil. Puiske, akòz mouvman plizyè manifestan ayisyen ayè vandredi 8 mas la devan lotèl Marriott Courtyard Isla Verde li te ye a, li te oblije kouri kite espas la anba yon kontenjan sekirite gouvènman federal la.
Atik sa se pwopriyete prive ©️ Gwoup Medya MAGHAITI 2024
