Peyi Brezil ki gen pou prezidan Luis Inácio Lula Da Silva nan tèt li, mande depi ayè lendi 4 mas 2024 la, pou kominote entènasyonal la pran yon mezi konkrè kont kriz Ayiti a. Sa ki selon yo menm ap ka kanpe fas ak sitiyasyon ensekirite k ap debòde a, kote yon gwoup gang ak zam kontinye ap fè vyolans sou popilasyon sivil la.
“Gouvènman Brezil la ap suiv avèk anpil enkyetid sitiyasyon grav k ap deteryore an matyè sekirite piblik an Ayiti a la, ki kondui avèk yon eta ijans nan peyi sila”, daprè Listin Diario ki rapòte yon nòt Ministè zafè Etranjè Brezil la.
Nan kontèks sa, Brezil fè yon rapèl sou angajman historik li anfavè enstabilite nan peyi Dayiti, sa ki pouse yo di kominote entènasyonal la gen pou devwa pou pran mezi ki enpòtan pou sipòte Nasyon Karayib la.
Pandan peyi Etazini li menm refize pote soutyen militè l bay Ayiti, peyi amerik Sid la mande pou yo mete an aplikasyon rezolisyon 2699, ki te siyen nan dènyè konsèy sekirite ONU an. Se avèk rezolisyon sa menm, yo te rive bout ak lide misyon miltinasyonal soutyen pou sekirite Ayiti a, pou mete a mach aksyon pou devlopman peyi a.
Toujou nan nòt sila, ministè zafè fè etranjè brezilyen an kontinye pou li kenbe pozisyon li kote yo di “Aktè politik ayisyen yo dwe rantre nan yon pwosesis dyalòg nan lide pou pèmèt eleksyon reyalize lè sitiyasyon sekirite a reyini“.
Depi lè bandi ak zam fin okipe divès espas nan zòn Metwopolitèn nan, premye minis defakto Ariel Henry poko janm ka rantre nan peyi a. Tout sa, se akòz yon bò bandi pa sispann kreye panik ak tansyon nan wout Ayewopò Toussaint Louverture a, nan yon lòt bò plizyè sitwayen nan Okap ak nan Jakmèl mobilize pou di non ak vini PM nan nan peyi a.
Atik sa se pwopriyete prive ©️ Gwoup Medya MAGHAITI 2024
